早年由妻夫木聰主演嘅日本青春電影《五個撲水的少年》，喺上年俾日本富士電視台改編為日劇《水着少年》，大受歡迎，於是富士電視台諗住乘勝追擊，喺今年夏天再推出《水着少年2》，搵嚟市原隼人同石原佐美做主角，重拉埋井上和香落水，扮高校教師，不過呢個Miss咁性感，怕唔怕搞到成班學生分晒心㗎？
新一輯嘅《水着少年2》內容同第一輯好唔同，由以往嘅男子高校轉陣地去咗男女高校。故事講述由市原隼人飾演嘅男主角水山鳥泳吉由東京轉到去鄉下嗰間姬乃高校度讀書，佢第一日返學就認識到由石原佐美飾演嘅女主角矢澤。男學生山本洋太心想可以借助泳術高超嘅泳吉嘅力量，喺原為女子高校嘅姬乃高中裏面建立一個充滿男子氣概嘅學會，但到最後居然組成咗男子韻律泳學會！
我大口羅拉聽聞市原隼人呢班水着少年為咗套新劇都捱咗唔少苦，除咗要勤練韻律泳，又要日曬雨淋，甚至跌落水坑都冇計咁話。為咗增加套劇嘅號召力，套劇重搵埋電影版嘅乸型學生早乙女做男子韻律泳顧問㖭。