創世星國際娛樂有限公司繼派出張穎參選世界模特大賽奪得季軍後，早前派出另一佳麗吳詠茵參選國際旅遊小姐選舉，豈料吳詠茵為大會拍攝場刊時，竟被不公平刊登凸點照片，創世星即勸吳詠茵退出選舉，以示不滿。
創世星國際娛樂有限公司早前派出十九歲佳麗張穎參加第十六屆世界模特小姐大賽，結果張穎為港爭光，勇奪季軍。
早前創世星再派出在世模香港區賽事奪得「最完美體態」及「最受現場觀眾歡迎」獎項的佳麗吳詠茵，代表香港往杭州於上月二十九日參選2004國際旅遊小姐冠軍總決賽，豈料吳詠茵竟獲不公平對待，即時退選以表示嚴重不滿。
創世星大會總監JoJoLok，亦是吳詠茵的經理人，她昨日在電話中講出事件經過說：「吳詠茵已經去咗杭州準備比賽，一直都好開心，點知早前大會要求所有佳麗真空上陣影咗輯相，係作為官方場刊用嘅，影嗰時大會話明唔可以戴Bra，係大會要求。」
JoJoLok續說：「結果其他佳麗嘅相冇事，只有吳詠茵嗰張係凸點，我哋對呢個安排非常不滿，同大會交涉，佢哋竟然覺得好小事。上個月二十九號吳詠茵已經即日退選，我哋交咗退出書、吳詠茵嘅自白書同好多個國家佳麗簽名支持嘅信件畀大會，交咗畀內地傳媒，我哋認為除咗對吳詠茵好唔公平外，亦因為呢個係旅遊小姐選舉，好影響香港嘅形象，吳詠茵亦為咗呢件事唔開心喊過。」
採訪：JacquelineCheung
