早排喺美國鹽湖城揚威國際，奪得「少年珍娜芭侯雅國際鋼琴比賽」冠軍嘅十二歲女童張緯晴前日返咗香港，噚日重同記者見面，講到自己練琴嘅秘訣，佢話練琴唔單只係練手指，重要去聽，同埋要思考吓作曲家喺每首曲目所表達嘅感情。
同年紀嘅小朋友都會講扮靚、講偶像，但緯晴每日就要花成八到十個鐘練琴，佢話咁多年嚟都冇諗過攰，更無想過要放棄，反而每次彈都會覺得好好玩，而且可以發掘出唔同嘅新嘢。有內地報章重將張緯晴媲美做香港嘅李雲迪，教佢嘅老師黃懿倫好謙虛咁話，緯晴雖然有啲天份，但成就係靠努力，同埋專注。佢重好有信心話如果政府肯花多啲資源，香港唔會只得一個緯晴。
（圖）張緯晴每次喺琴鍵上舞動手指時，都會投入無限感情，將每首曲目發揮得淋漓盡致。
傳真︰2623-9278
電郵︰