吳彥祖昨日與六位靚女，包括李蘢怡、曹敏莉及徐自賢等出席飲品宣傳活動，大會特別安排他們駕駛兩部開篷跑車到場，可惜天公不造美，忽然下起大雨，令眾人十分狼狽，但吳彥祖自言能夠獲六位靚女陪同出席宣傳活動，已算夢想成真。
吳彥祖近日簽約成為健康飲品代言人，早前他更與幾位靚女包括李蘢怡、曹敏莉、鍾嘉欣、徐自賢、陳穎妍及Smanatha等拍攝全新廣告。為宣傳新產品，昨日老闆娘張玉珊特別與吳彥祖分別駕駛兩部由贊助商借出的開篷跑車，載着六位靚女到銅鑼灣鬧市出席公開活動。由於正值午膳時間，所以吸引不少途人圍觀及拍照，一度令現場引起混亂。
吳彥祖到場後立即向現場圍觀市民派發健康飲品，雖然天氣非常悶熱，仍吸引了不少人趁熱鬧。可惜宣傳活動舉行至一半時，天氣突然轉壞，更下起大雨，圍觀市民即時紛紛走避。
雖然如此，大會並沒有暫停活動，吳彥祖與六位靚女只有繼續在濕滑的街上宣傳，顯得非常狼狽。對此老闆張玉珊說：「出發前已經驚會落雨，因為落起雨嚟唔識閂番個篷。」
吳彥祖在六位性感靚女陪同下出席宣傳活動，更獲贈香吻，他自言感覺很好，吳彥祖說：「小學同中學時都曾經幻想過呢個情景，今日真係得到，都幾尷尬，因為係我自小嘅夢想，何況俾咁多女仔攬住錫都冇乜幾可！」
此外，早前有傳李蘢怡在拍攝廣告期間，除不時向吳彥祖獻殷勤外，亦有意無意用胸部頂向他，不過昨日現場所見，李蘢怡對吳彥祖卻顯得頗為避忌，對此她說：「呢啲係老闆娘嘅意思，但我個胸天生，攬住吳彥祖時個胸梗係會頂住佢啦。」
採訪：史丹 攝：陳慧安
