喺日本發展嘅韓國女星尹孫河，前排就有人見到佢同早前去咗日本宣傳唱片嘅韓國男星朴龍河，喺涉谷嘅咖啡店內密會。佢哋兩個人四年前曾經合演過韓劇《雪花》，喺拍攝期間已經非常熟絡。事隔四年，朴龍河有機會嚟到日本當然要約尹孫河出嚟聚聚。雖然尹孫河年紀比朴龍河大，但聽聞朴龍河都好傾慕佢，所以今次佢哋可以再見番面，朴龍河開心到見牙唔見眼。