去年7.1大遊行，一群電影工作者把握歷史時機，出動逾三十部DVD機，全程全方位拍咗成三百小時長度嘅紀錄片，經過一年精心剪輯，千錘百煉，製作成一套四十分鐘為回顧去年7.1香港人嘅重光日，本來想喺各大報攤分銷，畀明日遊行嘅市民沿路熱買，點知啲報販驚咗中方秋後算帳，冇檔敢賣。
又係嘅。幾年前女報販被斬殺，到今日都未緝拿到兇手歸案，連卿姐辦事處都俾人縱火，報販賣7.1紀錄片，又點知唔會幾日後又發生血腥事件？
製作人惟有將隻CD向影視店埋手游說，卒之成功。今日遊行，經過電車路等多間影視店，記住去買番隻，歷史性嘅一日，有珍藏價值，何況裏面重有去年吹雞帶頭嘅毓民㖭。
一年人事，有辣有唔辣，睇番呢張7.1大遊行嘅活力紀錄，係香港人送畀自己嘅禮物。今年唔會再拍，僅此一年一碟，睇吓裏面有冇影到舊年嘅你同埋你啲朋友？
傳真︰2623-9278
電郵︰