世事就係咁，「Whatgoesupmustcomedown」。上市以來一直冇厘頭勁升嘅第一亞洲（1227），在停牌三個月，大股東持有24.74%股權易手後，噚日復牌股價即勁插，最低見過0.26元，收0.445元，大跌72%，但成交就唔太多，只係979萬股，金額區區468萬元。
經紀陳話，第一亞洲令佢諗起一間以前叫富泰大中華，家陣叫嘉禹國際（1226）嘅公司，皆因兩間公司都係投資公司，差唔多時間上市，又係一開始就違反投資公司少有炒作的定論，長期無端白事咁炒高，但富泰大中華舊年已經上演大插水，兼且搞出單官司。至於第一亞洲，亦終於上演一幕笨豬跳。
經紀陳話，隻股停咗咁耐牌，部份炒家因孖展問題，所以一復牌急跌唔出奇，雖然笨豬跳場面壯觀，但佢亦冇諗過博反彈，皆因覺得投資公司唔太值錢，亦睇唔到有太大值博率。
慕容小初