楊思琦、劉愷威和方力申前晚在九龍塘拍攝無綫新劇《家有一寶》的外景，劇情講述劉愷威在車廂內向楊思琦表白愛意，及後二人更情不自禁地擁吻，不過這情景卻被暗戀楊思琦的方力申發現，令他很不開心。
楊思琦和劉愷威的咀戲前後NG了三次，劉愷威雖非首次拍攝親熱戲，但心情仍然緊張，當聽到導演指下一個鏡頭便要親熱時，他即不停唞大氣。而站在一旁的方力申除鬼馬地取出具拍攝功能的手提電話拍低這幕親吻場面外，還頻頻向劉愷威教路，他一見劉愷威NG即說：「你重係咁，我忍唔住，你畀我上。」
方力申還不時牙擦擦表示現實生活中有親吻經驗，問他希望將來的螢幕初吻對手有沒有親吻經驗？他說：「講得好聽就係唔揀擇，但唔好聽就來者不拒，邊個都冇所謂，我係一個專業演員。」
而劉愷威昨在電話中說：「好彩拍嗰陣時唔使脷叠脷，我睇playback發現思琦表現主動啲，我估唔到佢係啲咁大膽嘅女仔。方力申現場都睇得好興奮，猛追問我嘅感受。」問劉愷威拍攝前可有向女友廖碧兒備案？他說：「唔使，拍戲啫，唔關佢事。」
對於被指主動，楊思琦昨在電話中說：「係角度問題，其實方力申一早知我會拍呢場咀戲，佢重緊張過我，佢又話如果佢係男主角就好喎。」
採訪、攝影：楊潔雯
