任達華及曾志偉昨日往西環出席食肆開幕活動時，對早前黃秋生「話娛樂圈冇人食你都唔信」的言論，任達華大表反感，他表示入行多年身邊認識的藝人均沒吸毒癖好，他反責秋生亂說博見報。
任達華及曾志偉昨日往西環出席食肆滄浪庭開幕，任達華被問到香港應否學荷蘭般讓大麻合法化，他大表反對說：「梗係唔得，毒品害人，完全要禁。」他並表示不認同娛樂圈中吸毒風氣盛，他說：「我入行咁耐，冇人引誘過我食，我識嘅藝人都完全冇（食）嘅。」
至於早前黃秋生的「話娛樂圈冇人食你都唔信」言論，任達華大表反感說：「我唔排除係有人食，但係不致於『個個都食』，叫阿秋生哥唔好成日亂咁講嘢博個大標題，做人應該客觀啲。」
曾志偉昨日一開口就叫記者放過吳浩康，他說：「放過人哋細蚊仔啦，人哋都話悔過啦，講咗成個禮拜重寫，又生安白造啲乜嘢名單，求其幾個黑影就話係，我話個剪影似足任達華呀。」問他有沒有勸喻旗下藝人遠離毒品？他說：「新人邊有錢食吖？所以我啲藝人咪肥屍大隻，要去修身堂囉。」
此外，章小蕙和孟廣美等前晚往中環KeeClub出席活動，對於有報道指破產男歌手有吸毒習慣，致令離婚收場，章小蕙前晚聽後即說：「你哋問我啲咁敏感嘅問題，愈嚟愈挑戰我嘅IQ。」
章小蕙續說：「其實今次（指吳浩康被捕）警方為民除害，利用藝人嘅知名度，係有警惕作用嘅，不過最應該係捉啲拆家、公開張名單，以我所知名單重有多十幾倍嘅人。」章小蕙表示自己結婚九年半那個階段，對這類吸毒傳聞聽得多亦見得多，問她離婚前是否經常聞到毒品味？她說：「我答咗會有好多唔同下場同麻煩，我人身安全會點呢？」
章小蕙又表示吸毒等同慢性自殺，完全不認同吸毒會有升仙的感覺，問她與前夫鍾鎮濤離婚，是否忍受不了有人有不良嗜好？她說：「我冇對號入座呀，不過如果身邊親密嘅人有呢啲嗜好，係好痛苦痛苦痛苦嘅經驗。」
採訪：顏英儀、林妙萍
攝影：陳威
