歐洲國家盃小休兩日，噚晚又掀起新高潮，四強賽葡萄牙對荷蘭首先出場，本文見報時，應已分高下。原來係英格蘭擁躉嘅白鴿黨主席李柱銘笑自己今鋪跌晒眼鏡，事關未打入八強前，佢一直話決賽一定會係英格蘭同法國片過，點知英國即刻輸十二碼，法國連二流隊希臘都砌唔贏，媽田同八方呻，好似佢捧邊隊邊隊就衰咁，好驚自己累街坊！
英格蘭令好多白鴿黨黨員都搖晒頭，媽田移情別戀投荷蘭，荷蘭入唔入到決賽，今朝已知。不過無論各位球迷捧邊隊都好，睇完荷葡大戰之後，一定要唞足精神，下晝準備去維園，參加7.1遊行。
傳真︰2623-9278
電郵︰