吳國敬上月底到尖沙嘴棉登徑的一間私人色情會所消遣，更被雜誌拍下照片，據悉那間會所有不少名人及明星消遣，取其保安嚴密，而會所內亦安排女子大跳脫衣舞。
記者昨日致電吳國敬求證，他說：「嗰日我出席完演藝人個籌款派對，有朋友叫我繼續消遣，佢哋建議去嗰度，我都估唔到第一次去就中招，認真唔好彩，其實會所裏面好似普通嘅酒吧，我去嗰晚得兩枱客，亦都冇雜誌寫嘅有女仔跳脫衣舞。」吳國敬亦否認有安排女子陪酒，他說：「同枱坐嘅都係相熟嘅朋友。」
問吳國敬是否經常到夜店消遣？他說：「我邊有咁多錢？」吳國敬對於該雜誌報道十分不滿，他說：「我已經聯絡咗律師朋友，不排除保留法律追究權利。」
採訪：比華利