去年的7.1大遊行，演藝界有不少導演及藝人，為了反對《基本法》23條立法及不滿特區政府施政而上街。一年已過，林建明、黃貫中和張達明表示仍會上街遊行，但去年有參與遊行的張堅庭、陳嘉上和張同祖等，則因不同理由而不會在明天上街。
去年的7.1遊行，不少導演和藝人都上街支持，後來部份人士被列入「黑名單」，他們的電影在內地上映變得十分困難。明天是7.1遊行一周年，去年有參與遊行的林建明（大姐明），前日接受電話訪問說：「我梗係支持啦，畀大家知道民間力量，要爭取自由民主嘛。」對於不少演藝界人士今年明哲保身，大姐明有另一番見解：「咁就更加要出嚟爭取民主自由，因為𠵱家已經感到怕，日後咪更加唔知點算好？趁𠵱家有機會表達，就好應該企出嚟表達，我自己就乜都唔怕㗎啦。」
大姐明又補充說：「上年約咗成大班人上街好易走失，今次都係幾個朋友一齊咁囉，至於邊幾個就唔方便講啦。」問大姐明對於明日遊行反應可感到樂觀時，大姐明說：「樂觀，我諗出席人數同舊年會相差無幾。」
張達明亦表示明天會參加遊行，他昨晚出席《我要做Model》慶功時說：「我會帶埋個仔去參加7.1遊行，等佢感受吓自由嘅氣氛。其實去遊行只係一種市民反映意見嘅表達方式，呢個係市民享有嘅權利。」
至於去年靜靜參加遊行的黃貫中，今年繼續玩神秘，他說：「舊年啲人影唔到我相就猛插我，覺得好冇癮，唔通出嚟sayHello咩？唔好再砌我啦。所以今年唔講，問心就得，唔使喺屋企樓下等我，我會搭巴士。」據知，不少藝人會低調參與7.1遊行。
但不少去年有參加遊行的演藝界人士，包括張堅庭、陳嘉上、許鞍華、吳君如、杜汶澤、王喜、陳果、谷德昭、徐克、陳可辛和張同祖等，明日均不會上街，當中有的受到壓力，亦有人認為今年的口號不夠清晰，有的則因事忙而無法參與。
昨日一班出席商台活動的歌手如梁詠琪、鄭希怡、傅佩嘉和Boy'Z的Kenny等人，均表示明日要開工，不能參與遊行，但傅佩嘉表示該活動很有意義。
導演陳嘉上則表示明日不會參加遊行，他昨日在電話中說：「其實爭取民主可以有好多種方法，遊行並唔係最好方法，不過我同時希望中央可以明白，市民上街遊行並唔代表佢哋唔愛國。」而陳果表示因明日要開工拍《三更2》，故不會參與。
張同祖去年相約不少導演界朋友一起遊行，他昨日接受電話訪問說：「上年大家上街係為咗反對23條立法同埋不滿特區政府嘅施政，但今年我覺得7.1上街口號唔多清晰，令人覺得好分散，變咗凝聚力唔夠，所以聽日上唔上街都未諗好。」
張堅庭則表示明天湊巧要到北京工作，無暇出席，他日前在電話中說：「我梗係唔係擔心秋後算帳而唔去，只不過我覺得舊年參加7.1遊行係真係好想向港府表達自己嘅訴求。經過一年時間，今年香港經濟都好番啲，我亦覺得政府好似有誠意去改善一切，所以作為巿民，好應該畀機會同緩衝期政府去解決呢啲問題。」阿庭表示明天就算不用出埠工作，亦不會參加遊行。
採訪：戴彩煥、王連連
陳月媚、比華利
