45條關注組四位成員、大律師梁家傑、湯家驊、余若薇同吳靄儀，噚日一早七點就分別去到觀塘同將軍澳派傳單，呼籲爭取民主嘅市民7.1上街遊行。
八方早前一時聽錯，以為湯家驊話會喺7.1着西裝上街，原來佢係話呢兩日派傳單時先着西裝，並非講7.1。
不過佢噚日呻笨，話原來着住西裝、打呔，一早派傳單都熱到跳舞，搞到派派下都要除外套，但一向都西裝不離身嘅梁家傑，噚日竟然一反常態着T恤，真係醒。
兩人原定派兩個鐘，點知只預備咗兩、三千份傳單，派咗一個鐘就冇晒，於是惟有提早收工。
另外，幾位大狀雖然搞網上電台玩得好開心，但都要暫別，七月二日搞埋最後一集，因為嚟緊有好多選舉同政改嘅事要忙，佢哋強調並非封咪，希望九月立會選舉後可以再嚟過。
傳真︰2623-9278
電郵︰