【本報訊】去年7.1大遊行後，特首董建華曾公開表示要改善施政，聽取民意，並主動約見陳日君主教，但一年下來，陳主教對董建華施政仍然失望，他坦言不會再主動要求約晤董，因為覺得作用不大。
陳主教憶述去年7.1後，董曾主動約見他，但那次會面令他十分失望，因為兩人討論校本條例時，董竟然說天主教區原則上支持條例，但其實陳主教剛給政府寫了一封措辭嚴厲的信件，狠批校本條例：「佢（特首）話冇睇過封信，有乜理由佢會冇睇過，一個主教咁惡批評政府係好嚴重嘅事，我知好多官員都睇過封信。」這次經驗令陳主教決定，以後不會再約特首見面。
至於在政改中擔任大旗手的政務司司長曾蔭權，雖然陳主教不想評價其表現，但也不忘批評他領導下的政府，施政令人十分不滿：「我唔想批評個別官員，而且我同曾先生有感情，但真係好多政策做得好差。」