【本報訊】7.1大遊行舉行在即，北京當局近期以「軟硬兼施」的攻勢，先以人大釋法敲碎港人普選夢，再擺出和解姿態軟化港人及民主派，令不少人7.1再上街的信念動搖。天主教香港教區主教陳日君在遊行前夕再次站出來，呼籲港人毋忘7.1精神，繼續上街爭取普選：「話畀佢哋（北京）聽，我哋唔會咁易忘記呢件事（人大釋法）。」 記者：莫劍弦、何文雯
陳日君主教接受本報訪問時又說，特區政府不應斤斤計較今年遊行人數多寡，因為無論有多少人上街，他們都是不滿政府施政：「今次遊行，相信會有相當數字的人出來，唔應該太計較有二十萬定三十萬人，（佢哋都）代表有相當多嘅人，政府唔應該太過愚蠢咁去計：舊年五十萬，今年三十萬。」
陳日君主教強調，今年7.1最少有兩個理由港人要再走上街頭，第一是中央在未經香港討論情況下，先行以人大常委會釋法扼殺○七年普選特首及○八年普選立法會，他直言對此感到不滿及憤怒：「中央強橫咁干涉香港，冇尊重高度自治、一國兩制，未討論已經否決普選同決定直選同功能組別嘅比例，令我哋好唔開心、好憤怒！」
不過，陳主教並不認同港人就此放棄爭取普選，反而應該以上街向中央表明，就算人大常委會釋法，也無阻港人爭取民主普選的夢想：「話畀佢哋（北京）聽，我哋唔會咁易忘記呢件事，呢件事係好嚴重，我哋要睇吓有冇辦法補救。咁嚴重嘅事，點可以咁輕易放棄呢？」他滿有信心說，只要港人團結，以行動表達爭取普選決心，事情還可有轉機，「人大開大會，又可唔可以推翻常委會決定呢？我諗應該可以。」
除了民主進程受阻外，特區政府過去七年不斷推出剝削弱勢社群的政策，也是陳主教認為港人7.1應該再上街的主要原因。陳主教指特區政府近年削減新來港人士綜援等政策，令他感到十分殘忍及悲傷：「有啲人真係好殘忍，佢哋不過係家庭團聚，唔係犯乜嘢事，佢哋真係有需要先拎綜援！」
面對這些施政失誤，陳主教認為，香港人更應借慶祝回歸祖國的日子，做好當家作主的角色，以行動指出特區政府的不當：「回歸祖國係一件好事，我哋真係應該慶祝……但慶祝還慶祝，回歸七年政府行政做得好差，點可以唔出聲抗議，點可以就咁算？」他又認為慶回歸與上街遊行是相輔相成，「我哋要關心呢個社會，政府做得唔好，我哋應該出嚟抗議」。
陳主教更勉勵港人，上街爭取民主等寶貴價值，未必人人認同，最重要的是本着良心說出心中話：「有時我哋維持重要嘅價值，人哋未必睇到，但唔係因為人哋可能唔了解我哋，就唔出聲……可能講多幾句，人哋都會明白。最緊要我哋照良心表達立場，個效果點樣，未必控制得到。」
