歐洲國家杯今晚再掀戰幔，八方噚日遇見和黃大班霍建寧，佢以前有踢波，亦愛睇波，重話好鍾意英國同意大利，可惜兩隊俱已出局。咁𠵱家點睇？霍大班話睇好葡萄牙，因為佢哋愈踢愈上力，漸入佳境，唔似以前咁頭耷耷。大班跟着又話，情況就好似和黃股價咁，係時候由谷底回升，認真唔怕人哋話佢「賣花讚花香」！
八方問霍大班會否增持和黃，佢話自己知道太多公司消息，想增持只會喺公布業績後先得。霍大班噚日再次客串做sales，親自示範佢哋架新3G手機（韓國LG廠製造，已喺歐洲賣咗一排）功能，落力介紹個交通頻道。
傳真︰2623-9278
電郵︰