【本報訊】陳日君主教接受訪問時批評，一些原應幫助中央與香港民主派溝通的人，卻為了自己的利益，歪曲港人的意思，需為雙方缺乏溝通負上主要責任。對於溝通問題近來引發民主派內訌疑雲，兩個月前獲中方邀請訪問上海的陳日君主教身體力行地說明，溝通與堅持原則，可以同時兼得，關鍵在於能否把握分寸。
曾訪問上海，日前又應邀與中聯辦官員會面的陳日君表示，樂見民主派與中央直接溝通，他以自己的經驗為例，表示自上海歸來後就一直謹慎言行，「唔會因為去得上海好開心，就盡量講好話；講得好話嘅就講，唔講得好話嘅，唔講；需要批評時就要批評，需要抗議時，你就要抗議，因為𠵱家唔係貪得意同政府對立。」
對於中央近來言論轉趨溫和，陳日君指不會影響7.1上街的動機，因為遊行抗議與中央的溫和言論沒有衝突，「溫和嘅目的，都係在於想兩邊溝通，一邊讓步未必有用，遊行就係為咗溝通，唔想溝通時將事實忘記咗。」
他又說，溝通「唔係你講你嘅，我講我嘅，而係你講時我聽、我講時你聽。」對於中央未能聆聽港人聲音，陳主教指是有人從中作梗，「有啲應該幫助溝通嘅人，不但冇幫，而且係阻礙，鍾意歪曲我哋講啲嘢，令中央事事誤解我哋。」他指這些人要負上責任。
溝通重要的不但是聆聽，更加要了解，陳日君透露，早前與中聯辦官員會面時，曾主動向對方澄清一些中央對港人的誤解：「中央話怕我哋搞獨立、話我哋唔愛國，我話你絕對唔好誤會，香港人搞獨立？真係黐線㗎啦！冇條件亦冇意願。話人唔愛國好嚴重，要有證據，應該假設人人都愛國，我都愛國、你都愛國，我哋唔同方式愛國，如果你以為我唔愛國，大家重有得傾咩？」
對於這次與中聯辦官員會面的經驗，陳日君的感覺比與特首董建華會面要好得多：「中聯辦啲官員真係好誠懇，我都七十幾歲，有啲經驗，知道一個人係咪誠懇，今次好開心，畀我感覺佢真係聽我講嘢。」