《學警雄心》一班演員昨日到赤柱學撐獨木舟，早前因放料事件盛傳不和的陳鍵鋒及薛凱琪突然變得老友鬼鬼，薛凱琪揚言如果自己遇溺，陳鍵鋒一定會救她，她說：「因為Heismybestfriend（他是我的最好朋友）。」
吳卓羲、陳鍵鋒及薛凱琪等，昨日到赤柱沙灘拍攝《學警雄心》，劇情講述近四十名學警在海灘操練及玩水上活動，薛凱琪卻不幸遇溺，陳鍵鋒即時使出一招英雄救美，成功拯救薛凱琪，其後更發展成情侶。
雖然陳鍵鋒與薛凱琪在劇中關係密切，但戲外兩人曾因為放料事件盛傳反目成仇，不過昨日兩人突然變成好友，問薛凱琪如果拍戲遇溺，怕不怕陳鍵鋒袖手旁觀？她說：「唔會，Heismybestfriend。」薛凱琪更強調在拍攝期間遇溺，會穿着救生衣，並不會有身體接觸，更不會嘴對嘴人工呼吸。
薛凱琪昨日穿上一件學警T恤及一條高衩超短褲，更有問必答，一改以往冷淡的態度，她說：「我有着泳衣打底，所以唔驚走光，今次皮膚真係黑咗好多，以前用三號粉底，𠵱家要用到八號，所以做唔到玉女，要做madam。」
陳鍵鋒昨日姍姍來遲，足足遲到一小時，事後他解釋說：「其實我已經早到，係導演叫我飯後先到，咁突然有記者，佢哋叫我趕嚟，因為我本身有個獨木舟三星級章，同埋拯溺章，所以唔使一早嚟學。」
此外，吳卓羲在拍攝進行中，與其他學員玩水槍，令導演不滿，問吳卓羲知不知道導演叫他安靜一點，他說：「唔係呀！冇咁嘅事，唔係話我，係叫啲人靜啲。」
採訪：卓美娟 攝影：陳偉權
