林峯和周麗淇（Niki）昨日到中環為一間健康食品公司擔任剪綵嘉賓，二人均表示得到滿意的酬勞。
對於早前李彩樺透露有圈中男藝人send情慾短訊給她，林峯即說：「吓，係唔係send錯咋，如果真係就誇張咗啲，我都試過收一啲女fans嘅信，內容都幾恐怖，所以女藝人可能更易收到呢啲嘢啦。」林峯透露下月中播放的劇集《大唐雙龍傳》會有重大犧牲，他說：「我同吳卓羲除咗冇露重要部位外，其他地方都要露呀。」
此外，Niki笑言前晚受到恐怖襲擊，她說：「我睇睇吓電視時有隻飛曱甴飛埋嚟，咁我就即刻跑入房，之後叫阿爸捉咗佢之餘，重要拎去後樓梯燒咗佢，因為我睇過啲e-mail，話如果唔燒咗佢就會再有機會滋生。」
採訪、攝影：李珮洳