立法會法律界代表吳靄儀最近出嘅新書《23條立法日誌》，有記者一睇，話美中不足，就係欠咗葉劉張相。不過書中有一章「誰記得維珍娜（葉劉洋名）」，可算係特別獻給葉劉，文中提到葉劉嘅黑超、紅色戰衣同招牌髮型，真係令大家恍如隔世。
吳靄儀旗幟鮮明爭取民主，喺來屆立法會嘅勝算，一直被睇高一線，但部份業界人士批評佢為業界利益做得唔夠好。據聞，法律界人士鄺家賢正考慮挑戰吳靄儀。吳靄儀不敢怠慢，噚日特哋準備咗一張「成績表」，總結自己四年來嘅表現。原來佢會定期同業界人士舉行周五茶敍交流意見，一共辦咗五十九次，喺立會重參加咗六十二個法案委員會及十九個附屬法例委員會，出席率偏高，非常勤力。
傳真︰2623-9278
電郵︰