人氣急升嘅水着女星井上和香，今個夏天會演出全新一輯《水着少年２》，喺劇中扮演Miss，睇嚟和香自知有好多fans都好渴望佢會喺劇中除下Miss裝備，所以佢提早達成fans嘅心願。
和香最近為雜誌《BLT》拍攝咗一輯性感寫真，佢以《水着少年２》入面嘅Misslook出現，唔止着住條高衩裙騷美腿，亦喺鏡頭前慢慢剝衫，最後除剩套黃色花花比堅尼，真係夠晒性感香豔。
除此之外，和香亦換咗幾套唔同款式嘅比堅尼影靚相，佢着鮮紅色嘅花邊比堅尼時，露出招牌式嘅麥當勞叔叔笑容，憨態可掬。轉頭佢又換咗套好yeah嘅比堅尼，喺更衣室度沖花灑浴，睇見透心涼。
最特別係本雜誌重公開拍攝嘅幕後花絮，原來拍攝期間井上和香問攝影師今村敏彥攞啲即影即有相嚟睇嗰陣，擺出一副佢以前做開陪酒女郎嘅挑逗表情，搞到攝影師心跳加速，面都紅埋。收工之後，和香嘅女經理人即刻畀件外套佢褸住，等佢唔好冷親，重讚佢嘅工作表現好㖭。