「體操王子」李寧噚日又再出現喺中環，出席佢間寶號李寧公司首日掛牌儀式，八方同佢計過，以佢持有四億六千萬股計，體操王子身家起碼十億元，應可升格為「國王」！
「國王」重搵埋公司嘅代言人撐場，包括體操「全能王」李小雙、連續兩屆世界體操錦標賽單槓金牌得主李春陽，同埋英國新星朗尼喺愛華頓隊友李鐵㖭！有咁多體壇名將喺度，搞到班攝記大佬都忙到踢晒腳！
講開傷咗三個幾月嘅李鐵，佢同八方講，原來佢為咗參加今次呢個上市儀式，特登喺英國飛嚟，之後再飛返英國參加球隊訓練，希望攞番愛華頓嘅正選位置，八方都好希望佢可以為國爭光。問佢歐國盃睇好邊隊，佢話睇好葡萄牙同埋捷克喎！
（圖）李寧間公司首日掛牌儀式，請咗李春陽、李小雙（左一及二）同李鐵（右）撐場。
傳真︰2623-9278
電郵︰