人稱神童嘅鄺其志果然係好神奇，做咗新昌國際董事總經理只有半年咋嘛，話咁快又跳槽嘞。八方收到料，神童做埋聽日就會離開新昌，7.1後會同太太去北歐放暑假，七月十三日就返港返新工。
噚日有報紙話鄺神童會去今日公布上市計劃嘅成衣生產商聯泰控股，但八方聽講，神童係就係轉做製衣，但就唔係聯泰，而係一間叫偉新嘅公司，做董事總經理。偉新同聯泰都係喺觀塘鴻圖道，但隔幾座大廈囉。
偉新成立於六三年，足足有成四十年歷史，主要生產毛衣出口，全球有超過一萬名員工，喺紐約、倫敦、巴黎等時裝重鎮設有辦事處，廠房分別設喺內地、泰國、馬達加斯加等地。由政府跳去做港交所，再轉去建築公司新昌，𠵱家又走去就做製衣，鄺神童真有辦法。
傳真︰2623-9278
電郵︰