林文龍的父親林偉日前病逝，終年七十六歲，林文龍昨日在北角香港殯儀館為亡父設靈，以基督教儀式舉行喪禮，今日出殯後便會火化。
林文龍太太郭可盈在無綫將軍澳電視廣播城為新劇《十兄弟》試完造型，即趕往殯儀館打點老爺身後事。
問文龍準備了甚麼物品作為亡父的陪葬品，他說：「阿爸生前冇要求，不過媽咪就將佢着過啲衫執咗出嚟，而我哋幾兄弟姊妹亦寫咗封信畀阿爸，陪佢上路。媽咪呢排心情好差，阿爸走咗之後，我哋都輪流接咗佢返屋企，唔想佢獨自留喺屋企觸景傷情，希望媽咪可以快啲平復心情。」
文龍還回憶當日在病房時，他和姊姊及媽咪都手牽手為病榻上的老父祈禱。
此外，文龍表示尚未決定亡父安葬的地方，他說：「因為媽咪想將來百年歸老都葬埋一齊，所以要睇媽咪決定。」
採訪：王崇穎
攝影：陳偉權