日本嘅衣着服裝、日用品以至新潮玩意，咁多年嚟都可謂帶住香港走；如果閣下都係「日潮」崇拜者，就要留意喇！大減價、掃平貨嘅戰幔將會由7月SummerSale展開，震央來自東京嘅龍頭級百貨公司，震撼力達「5級」（5折起），香港好多旅行社都已經做好掃貨嘅配套措施，三幾千蚊嘅3日自助遊抵玩Package已經準備就緒！
記者：吳嘉怡
講到日本大減價，好多人只懂得8月尾的季尾大清貨，真係減得狠！不過話明季尾，啲夏裝隨時要等到第二年夏天先可以Show畀人睇！再講，7月呢次首輪大減價，好多日本人都極為重視，事關所有筍貨只可在此「頭水」掃到，季尾只屬賣剩貨！據日本探子回報，東京區大部份百貨公司都會在7月開始夏季減價行動，不過令當地人注目度最高者，分別為新宿高島屋、涉谷LoFt同池袋01CITY，想知點解，就要留意今日嘅東京掃貨攻略。
高島屋喺日本人心目中，可算是新宿的Shopping地標；樓高12層的巨無霸式商場，網羅了國際級（如Gucci、Prada、Fendi）及「本」土的名牌（如BurberryBlueLabel等），新宿想搵名牌嘢，呢度必然係首站！雖然係季初大減價，不過減價貨品可達5折至8折，都算相當高。
強項必買
雖然網上並未公布減價項目，不過據日本地膽推介，首輪搶手貨，分別為4樓女裝部嘅Levi's、TommyGirl，男裝方面，就分別有6樓嘅ELLE手表同8樓嘅MUNSINGWEAR運動服。
新宿高島屋
地址：涉谷區千馬太谷5-24-2
折扣：5折至8折
減價日期：7月1日至7月15日
營業時間：上午10:00至晚上8:30
火車：山手線新宿馬尺（由「新南口」出口行出嚟，就正對着高島屋）
網址：
香港趕潮一族，大多喜歡LoFt嘅生活雜貨，雖然香港都有LoFt，但須知涉谷呢間LoFt，足有7層畀你Shopping，貨品種類多又新！最重要係日本地膽話，日本LoFt平時嘅價錢，都比香港平咗一、兩成，加上由即日起佢有一個叫「LoFtYELLOWBAZAR」嘅大減價殺埋身，折扣率達5折至7折，咁就更抵買啦！
強項必買:
地下嘅「健康雜貨」，好似化妝品、健康食品和日用品等；另外「無印良品」設在B1。
涉谷LoFt
地址：涉谷區宇田川町21-1
折扣：5折至7折
減價日期：即日至7月16日
營業時間：上午10:00至晚上9:00
火車：山手線涉谷馬尺（由忠犬八公像出口，往對面的西武百貨方向就會見到LoFt）
網址：
01CITY係日本OL及少女至愛行嘅百貨商店，日本至潮大牌子如AnnaSui、Fin、FUBU都可以喺度搵到，不過講到最出名，都係啲OL最鍾意喺度買手袋，事關款式呢度特別多！
強項必買：
J.P.G嘅小首飾，PosterSunny今年出咗堆玩簡單設計及色調嘅OL手袋，襯衫一流。
池袋01CITY
地址：豐島區西池袋3-28-13
折扣：5折至7折
減價日期：7月1日至7月6日
營業時間：上午11:00至晚上8:00
火車：山手線池袋馬尺（由西出口，往前直行兩個街口可達）
網址：
去日本掃貨，順道玩埋，住幾日酒店點都唔少得；香港旅行社出嘅自助遊Package，一般3日嘅團費大概由3千餘到4千不等，另一共通點係佢哋所揀嘅酒店無論高級或中級，多數都會喺條山手線隔籬，須知山手線係一條環狀火車路線，新宿、涉谷、池袋都只係一兩站之隔，好似有心方便大家Shopping咁！
新宿市中心
呢個Package所包嘅酒店，就正正位處新宿市中心，重喺西武新宿PePe百貨公司樓上，送埋你池袋Namjatown黑貓館入場券（原價都要$112），呢個室內遊樂場，有20多個遊戲項目，加埋新開設的餃子館，同埋雪糕城，任你食盡世界各地不同的雪糕同餃子，黑貓館坐落於東池袋㖭，步行亦只需3分鐘。
旅行社名稱：專業旅運（查詢電話：28453232）
旅行團名稱：東京3天自由行精選
價錢：$3,740起?以雙人房計算（7月1日至7月15日，8月25日至8月31日）$4,340起?以雙人房計算（7月16日至8月24日）
酒店名稱：新宿太子酒店ShinjukuPrinceHotel（4星級）
費用包括：國泰來回香港至東京經濟客位機票一張、2晚酒店住宿、池袋Namjatown黑貓館入場券——位置於東池袋，再行3分鐘即到（2人用券?至7月31日為止，先到先得，送完即止）
交通路線小貼士：由於酒店位處西武新宿PePe百貨公司樓上，而山手線新宿馬尺喺正對面，行過去都唔使5分鐘。
新宿幽靜區
這間5星級的KeioPlazaHotel，位於新宿幽靜區域，提供約1,450個房間，主要分為南館同本館，不過房間就以南館較新。由於房間寬敞，價錢略貴，但其豪華的設備，應有盡有，每間房內可24小時免費上網。酒店內的餐廳更分別有29個唔同部門，來自世界各地的美食都可以喺度作一次過品嘗，附近嘅東京都政廳、御苑、明治神宮同埋原宿公園，步行約數分鐘即可到達，乘搭機場巴士，約需50分鐘車程，往返機場甚方便。
旅行社名稱：美麗華旅運（查詢電話：23155154）
旅行團名稱：東京3天自遊行
價錢：$3,900起?以雙人房計算（7月1日至7月31日為止）
旺季附加費：7月10日至8月24日，9月29日至9月30日：成人$500，小童$400
酒店名稱：KeioPlazaHotel京王（5星級）
費用包括：日本航空來回東京經濟客位機票一張、2晚酒店住宿
交通路線小貼士：從京王酒店正門口一出，同山手線新宿馬尺只係兩個街口之隔。
5分鐘到車站
新宿可以講係百貨公司、食店林立的旺地，絕對係遊人必到的主要場地，入夜後嘅歌舞伎町，更加變成五光十色的不夜天，相信喺呢度購物同食嘢，真係玩幾日都玩唔完。順道提一提，如果選擇住在太陽城太子酒店的朋友，若使用有樂町線，可往東池袋馬尺，步行只需5分鐘，較池袋馬尺近一半！
旅行社名稱：康泰旅行社（查詢電話：21088111）
旅行團名稱：東京3天自遊行
價錢：$3,599起?以雙人房計算（即日起至9月30日）
旺季附加費：7月1日至7月9日，8月25日至9月28日：$300（大小同價）
7月10日至8月24日，9月29日至9月30日：$800（大小同價）
酒店名稱：SunshineCityPrince太陽城太子酒店（４星級）
費用包括：日本航空來回東京至經濟客位機票一張、2晚酒店住宿、ReadyGo日本旅遊指南（每房一套）、每日早餐
交通路線小貼士：酒店附近有一條「營團有樂町線」，在「東池袋馬尺」上車，搭一個站到「池袋馬尺」，一出閘口就對正山手線池袋馬尺。
名牌集中地
除咗新宿之外，池袋可以講係自助遊人士另一個必經之地，事關呢度交通便利之餘，購物名店、食肆林立，同新宿相比，簡直有過之而無不及，其中池袋嘅01City絕對係名牌貨既集中地，此外，Seibu、三越、Parco、SunshineCity等統統都集中喺呢度，嚟東京，又點少得去池袋一趟呀！
旅行社名稱：永安旅遊（查詢電話：29288882）
旅行團名稱：東京3日2夜套票
價錢：$3,399起（7月1日起至7月9日為止），$4,299起（7月10日至8月24日），$3,399起（8月25日至9月尾）（以雙人房計算）
酒店名稱：IkebukuroHotelTheatre池袋劇院（3星級）
費用包括：日本航空來回東京經濟客位機票一張、2晚酒店住宿
交通路線小貼士：向着西武百貨方向，走4個街口，大概5分鐘路程，便可到山手線池袋馬尺。