劉德華昨日與契女鄧肇欣、張穎康和林一峰出席商台活動，呼籲年輕人做義工，華仔表示對年輕人不可只講道理，而要令他們知道不可做傷害自己的事。華仔父親昨日生日，他表示買了很多衫給父親做禮物。
劉德華昨日以「名譽團長」身份，帶領契女鄧肇欣、張穎康和林一峰，往都會海逸酒店出席「綠蘋果正能量少年團」記者會，呼籲年輕人多做義工。
華仔和主辦單位代表一起進行「種善果」儀式，司儀笑指華仔稍後會在道具樹旁「施肥」，這時華仔便作狀在樹邊小解。問華仔會否鼓勵年輕歌手多參與有意義的活動？他說：「佢哋參加電台活動都好正經嘅，無論有冇依靠藥物，或者去不正當嘅社交活動，只會傷害自己，如果佢要傷害自己都冇辦法，自己考慮啦！浪子回頭大家都接受，但首先選擇唔做浪子重好！」
繼許冠傑演唱會掀起搶飛熱潮後，華仔於九月一至十日舉行的演唱會賣票情況亦很理想。據悉有歌迷向華仔投訴買不到門票，華仔表示在演唱會後舉行派對安撫歌迷，他說：「我十五號要交場畀紅館，加日場就要諗吓先，亦可以喺十四或者十五號搞個party。」華仔又表示每年其父也會向他訂飛，他說：「每年佢都訂約六百張，但每次我都畀唔到咁多佢。今年冇講幾多，但都要睇吓出面訂飛嘅情況係點。」
華仔父親昨日生日，他表示送了一大堆衫給父親，華仔說：「有時佢鍾意乜都會暗示吓，噚日已經叫咗我返屋企，幫手揀套衫出席fansclubparty。加上佢肥咗少少，所以今日我買咗好多衫畀佢。」
採訪：王連連 攝影：陳慧安
