官恩娜和董敏莉昨日到奧海城出席新城活動，官恩娜表示日前為許冠傑（Sam）演唱會綵排，她說：「我可能會表演兩場至四場，但係電影方面就未知有冇得參與，我今次都有考慮買帽、頭巾或者豹紋嘅嘢送畀阿Sam，同埋我上一次都送咗副眼鏡畀佢。」
董敏莉則透露早前到泰國拍攝一飲品廣告的效果不錯，所以獲加酬勞，她說：「老闆好鍾意個廣告，本來淨係會喺香港同內地播，不過𠵱家連新加坡都有得播，酬勞亦都多咗。」
二月考獲車牌的董敏莉打算買車獎勵自己，她表示吳浩康是她考牌後第一位乘客，她說：「二月嗰陣時我同佢一齊去影相試車，因為佢冇車牌，所以佢就做咗乘客。」