精明消費：
庫蚊橫行戶外驅蚊產品貼身保護
咪睇小一隻蚊的威力，不論庫蚊，還是白紋伊蚊都一樣可以係傳播日本腦炎或登革熱的致命兇手。所以在炎熱多雨的日子，無論是戶外、戶內都要做足防蚊準備。幸好現在的防蚊用品又多又輕便，簡單如一條蚊帶，也可以令你與蚊子保持距離，夠晒安全。
記者：張穎麟
攝影：陳盛臣
Model：Wendy戶外防蚊攜帶方便
戶外防蚊攜帶方便
炎炎夏日，不論是行山抑或BBQ，都有機會被蚊子有機可乘。所以近期推出的防蚊用品，都主打方便攜帶，有噴劑、有用電，任君選擇。
防水蚊貼
呢款蚊貼主打防水效能，貼喺衣物上，就算行山落雨，都不會減低其效能。唔用時可放入密封袋，可重複使用，有效期達72小時。
原價：$12 特價：$9.9(h)
檸檬味蚊帶
唔少蚊帶都有一陣強烈的薄荷氣味，未必人人可以接受。呢款蚊帶就含有清香的檸檬味，好聞之餘亦容易被人接受。再加上佢不含有害物質驅蚊胺DEET，適合小朋友使用，有效期達72小時。
售價：$16(h)
超音波蚊擊退器
採用超音波驅蚊，既可以做匙扣又可扣在皮帶上，黑色外形，掛在牛仔褲上，一點也不礙眼。使用一粒電便可使用500小時，都算方便。
售價：$128(b)
光能驅蚊器
大部份的驅蚊器都要用電池推動，走到郊外才發現冇電便為時已晚。幸好呢款光能驅蚊器，採用光能充電推動，充滿電的話可使用9小時，超音波驅蚊亦對人體冇害。
售價：$118(b)
手提風扇式驅蚊機
之前消委會評分中，都指出風扇式驅蚊器有較主動的滅蚊效能。所以出開蚊香的象球牌亦推出手提風扇式的驅蚊機，可說是信心保證，電源亦足夠60日使用。
原價：$89.9 特價：$79.9(a)
扮蜻蜓驅蚊
為了要更有效驅蚊，呢部便攜驅蚊金剛竟然想出模仿蜻蜓及雄蚊翼拍動的聲音，從而驅趕各類蚊種及懷孕雌蚊。有效範圍達200呎之廣，便攜驅蚊機中，堪稱一絕。
售價：$188(a)
似足電子表
集蚊帶與驅蚊器優點於一身的電子驅蚊靈，外表似足電子手表，戴在手上夠方便。可以更換電池，比蚊帶更加耐用，戴起來亦不算異相。
售價：$88(a)
雙重驅蚊機
為增強驅蚊效能，呢部日本攜帶用驅蚊機，一次過用齊超聲波同風扇兩大原理驅蚊。一開機除了風扇會轉動吸蚊外，機頂及機底更會發出超聲波驅蚊，增強驅蚊效能。
售價：$228(f)
膏狀緊鎖8個鐘
唔想帶住部機喺身，亦可以選擇呢款確得蚊怕膏。由於採用膏狀物質並特有緊鎖配方，冇咁易被汗水或衣物摩擦沖走藥物，因而可將有效期保存在6-8小時內。
原價：$26.8 特價：$24.9(a)
走珠式塗得更均勻
大部份的驅蚊藥水都係噴劑形式，呢隻TACT蚊之敵卻採用走珠式設計。可以更均勻地塗在皮膚上，美中不足係佢含有DEET，雖然成效更高，但就唔適合小朋友使用。
售價：$48(d)
古法抗蚊
原來古代僧侶抗蚊係透過飲用檸香茶，於毛孔中散發特別味道來驅蚊。呢隻抗蚊得蚊怕貼，就在蚊貼內加入檸香油，貼在衣物上驅蚊，既有效又天然。
售價：$45(d)
清涼蚊怕水
這支避蚊災走珠式蚊怕水，含有的香草成份不但氣味芳香，塗上皮膚後更有清涼感覺。有效時間更達7小時之久，夏天最啱用。
售價：$26(e)
室內驅蚊機最普及
雖則話戶外及樹林是被蚊針的高危地方，但屋企的防蚊工夫絕對不能忽視。屋企面積大可以選用一些較大型的驅蚊設備，而面積較小的，市面有很多驅蚊機都可以幫到你。
害蟲走開
澳洲的Roonka天然驅蚊蟲噴霧，以100%純天然成份製造，絕不含有DEET。一樽可以噴達500次，夠晒抵用，除蚊之外亦可驅除蚤、蒼蠅等一眾害蟲。
售價：$75(c)
狗仔都怕蚊
寵物一樣怕蚊針，特別住喺村屋，寵物留在屋外最危險。呢個動物用防蚊器可連續使用8小時，設有掛勾可掛在狗屋上，發出的超聲波亦唔會影響狗仔。
售價：$298(f)
八千呎捉蚊
室內的捕蚊器由於採用濕電驅動，所以覆蓋面積非常之大。好似呢部金剛生態誘蚊器，就擁有8,000呎有效範圍，最特別係佢採用二氧化碳、氣流同濕度吸引蚊蟲，特別寧靜。
原價：$1,498 特價：$898(c)
防蚊晶體
拜高晶體驅蚊機，採用防蚊晶體，一塊晶片便可以使用45晚，有效範圍亦有200呎，一間房用剛剛好。值得一讚是它備有PTC恒溫系統和兒童安全鎖，夠晒安全。
原價：$67.8 特價：$58.9(a)
小朋友專用
要注意唔少驅蚊用品都未必啱小朋友使用，好似驅蚊胺DEET，就會對兒童有害。而部份驅蚊劑亦有可能傷害小朋友的幼嫩皮膚，所以不妨選購一些小朋友的專用驅蚊產品。
扮人類吸蚊
最新出的金剛生態吸蚊器，採用LED同UV光源吸引蚊子，再加上模仿人類所呼出的二氧化碳，令蚊子自以為有大餐開而自投羅網。當蚊子被捉到後，便會存於抽屜內直至枯竭而死。
售價：$998(c)
香氛驅蚊
想驅蚊之餘又可以有空氣清新之效，便可以選擇呢款Duette的香茅油驅蚊機。香茅油不但可以驅趕蚊蟲，同時亦有提神功效，等於一次買齊香氛機同驅蚊機，可使用60日。
售價：$72(d)
驅蚊兼護膚
出開蚊怕水的歐護專門為兒童而設的蘆薈蚊怕水，唔單止可以有效驅蚊，而且更具有護膚功能，十分體貼。不過只得2小時有效時間，媽咪緊記要為小朋友不時補噴。
售價：$23.9(a)
防蚊防敏感
和光堂的兒童蚊怕紙，用法與一般濕紙巾一樣，無香味、唔甩色，更有抗敏感成份，輕輕一抹就有防蚊功效，BB仔都用得。
和光堂的兒童蚊怕紙，用法與一般濕紙巾一樣，無香味、唔甩色，更有抗敏感成份，輕輕一抹就有防蚊功效，BB仔都用得。
美國環保局認可
經美國環保局EPA認定為安全的蚊之敵蚊怕膏，以香茅油、香葉醇等全天然成份製造，性質溫和更帶有檸檬味，絕對適合小朋友使用。
售價：$25(d)
英國清淡氣味
絕不含酒精及DEET的純香薰驅蚊噴霧，不會對小朋友構成皮膚敏感的威脅。採用英國的香薰配方製成，氣味清淡一點，與美國、澳洲的蚊怕水截然不同。
售價：$40(g)
小貼士
1.由於蚊怕水可能含有壓縮劑或酒精成份，使用時必須遠離火種，免生危險。
2.不少蚊怕水的成份都可能會與木質、塑膠產生化學作用，噴射時請避免噴在家具及皮革上，以免弄損家具。
3.除了專為寵物而設的蚊怕水，一般人類使用的蚊怕水、驅蚊劑都未必適合寵物使用，更不可為牠們試噴。
椰子味吸引小朋友
小朋友未必肯乖乖塗蚊怕水，所以呢款蚊警察，除了有可愛的卡通蚊警察於包裝外，更含有分餾椰子油成份及其味道，小朋友聞到一定乖乖任塗。
售價：$38(g)
天然保濕潤肌膚
這邊廂有椰子味，那邊廂更有芬芳桃味，說的是元創生活的護膚驅蚊紙巾。用法與一般濕紙巾無異，更含有天然保濕精華滋潤皮膚，莫說是小朋友，就連女士們也合用。
售價：$38(g)
售賣點
(a) 吉之島28846888
(b) JCLadies31022718
(c) 崇光百貨28338338
(d) 千島藥坊28314816
(e) 美康28314810
(f) 精思31015033
(g) city'super25062888
(h) 各大7-Eleven