【本報訊】逾千市民昨在烈日下輪候解放軍駐港部隊派發在7.1開放三個軍營的入場券。一萬五千張門券在個半小時內迅速派清，中環軍營外約五百人失望而回，部份人一度鼓譟，高呼：「飛又攞唔到，咁7.1咪去遊行囉。」
「開放日都係睇到兩點鐘，我之後會去維園睇睇，如果佢哋叫倒董口號，我就會參加埋7.1遊行。」在中環駐港解放軍總部外排頭位的伍先生，前晚七時已與妻子到場輪候，希望與家人到石崗軍營觀看戰艦及武器。去年排頭位的余伯則在凌晨四時從灣仔到中環排隊，打算跟朋友一起參觀昂船洲軍營，「係得我會去睇，啲細路就唔會鍾意。」
中環、槍會山、石崗軍營北營昨合共派發一萬五千張門票，讓市民在7.1回歸紀念日參觀位於昂船洲、赤柱、石崗的軍營。其中約一千五百人在早上八時已聚集在中環軍營外，有人因排位問題發生口角，需由警員調停，大會最後決定提早二十五分鐘在八時三十五分派飛。全港門票在個半小時內迅速派清。