中大校長金耀基惜別晚宴，星光熠熠，一眾靚女圍住同金公拍照，堪稱齊集各界精英嘅「合唱團」更上台高歌，祝福金校長。
一哥李明逵話以為校長唔識佢，點知校長話當年成日喺籃球場見到佢。大班鄭海泉就話老婆讀社會系，多謝金耀基教識佢「點服侍我」。廣播處前處長張敏儀話金校長長袖善舞，精通兩文三語，溝通兩岸三地，退休後應該去開未來特首培訓班。個個把口「浪」過油，金公當堂眉開眼笑。
全晚高潮為播放錄影帶，年輕時金耀基身材好瘦削，在中大三十四年，愈來愈增磅，成為真正「中大人」──中間個肚腩愈來愈大。
傳真︰2623-9278
電郵︰