為信念出力
何小姐（大學生）
「舊年冇去遊行有少少可惜，我覺得應該為支持嘅事出一分力，同埋表達自己聲音。」
紀念7.1歷史
張先生（營業員）
「今年會再去遊行，其實唔一定需要有訴求，可以當紀念香港人舊年創造嘅歷史。」
左派乞人憎
周慧璇（醫生）
「上年有去，今年再接再厲。尤其近排左派人士啲嘴臉好乞人憎，更加要遊行，希望爭取07、08普選。」
靠人民力量
陳先生（電腦從業員）
「雖然近期氣氛好番啲，但係仍然唔足夠，香港市民需要企出嚟表達不滿，爭取民主係要靠人民嘅力量。」
民主空間窄
陳太（家庭主婦）
「香港嘅民主空間愈來愈窄，民主係要大家爭取，我重會帶埋兩個六歲囝囝去，畀佢哋感受吓民主氣氛。」
憂言論自由
鍾小姐（教師）
「上年冇去遊行覺得好可惜，今年一定要企出嚟。好似近嚟多位名嘴封咪，令我好擔心言論自由受損。」
