中大送別金耀基，李國章同李國能都坐主家席，李國章爆料話當年金耀基條頸有事要開刀，原來老金係撲克高手，成日贏班老友錢，所以班老友叫李國章同佢開刀時為佢哋出番啖氣，割番金公一頸血。
散席時記者問李國章7.1會做乜？佢話早上去出席升旗禮。然後呢？咪去酒會。之後呢？咪返屋企。
記者追住唔放，問佢會唔會去遊行？李局長笑住話，如果佢去遊行，佢會舉住一張橫額上街，就係「踏出第一步，香港有民主學校」。
李國章又話，畀家長加入學校參加管理有乜唔好？佢唔明教會點解反對。八方只知有成功辦學經驗嘅兩大教會，齊聲反對，一定有其神學上嘅理由，講出嚟，李國章都未必明，連廿三條都有得擱置，太子章嘅面子，唔通重大過祖國政府？
（圖）李國章自爆曾割金耀基一頸血。
傳真︰2623-9278
電郵︰