【本報訊】7.1大遊行臨近，參加遊行的市民大可DIY設計T恤的圖案字樣，將自己的心聲穿在身上，既搶眼又獨特。市面上布料用的顏料繁多，最便宜的不足二十元；著名漫畫家尊子建議以布料用箱頭筆繪畫T恤，因為可以「好似喺畫紙畫公仔咁，好隨意，咁先可以好自由咁表達你嘅意思。」 記者：翁煜雄
學校美術老師文浩基指出，文具店及美術用品公司都有售繪製T恤圖像的用品，如電腦熨畫轉印紙、布料水彩及各種布料畫筆，價錢由十元至八十元不等。白色棉質T恤也豐儉由人，旺角花園街攤檔每件十元至十多元，質料較薄，部份連鎖時裝店的則一百元三件，用料較佳。
至於繪畫的方法，尊子認為，遊行T恤上圖像的表達手法應天馬行空，才可自由地表達個人的訴求和理念；T恤的圖案及文字愈簡單愈好，「畫到太細緻，你一路行緊，人哋點睇呀！但又唔好寫一個字就算，太求其。」
他在試用不同的顏料繪製T恤後指出，布料用箱頭筆最適合一般人用來繪製T恤，因它較易操控，「好似喺畫紙畫公仔咁，好隨意自由咁畫；又唔易甩色或者整污糟地方。」
尊子說，蠟筆繪製的圖案予人柔和、可愛的感覺，「但係用佢嚟寫沉重嘅政治訴求，好似平反六四呀咁，唔係太啱。」而且蠟筆難上色，繪製需時，並易沾污圖案以外地方。而金粉及螢光彩筆效果特別，在人群中更搶眼，可惜乾透需時，又不易使用，「最好用嚟點綴吓個領或者袖。」
若繪畫技巧稍遜，尊子說可選用電腦熨畫轉印紙，因可上網下載不同的圖案，然後直接印在T恤上：「你可以搵一張哲古華拉（古巴革命家）嘅相，然後用電腦執吓佢，幫佢打扮到好似董建華咁都得。」
文浩基則說：「T恤梗係愈平愈好啦，點畫都得，好free，件衫平平哋，畫錯再畫過。不過，買件靚啲嘅，就可以保存耐啲嚟留念。」尊子最後「提醒」遊行人士：「記得畫埋T恤後面，嗰日分分鐘等出發都幾個鐘，後面嘅人可以慢慢睇你嘅心血，唔使咁悶呀。」