6月20日係《蘋果日報》報慶大日子，多得廣大讀者支持，與《蘋果日報》共同見證香港過去9年歷史。
《蘋果日報》生日，唔單止老闆、員工有慶祝活動，我哋同時預埋讀者，推出連串着數同優惠，多項活動收益會撥捐蘋果日報慈善基金，齊齊做善事。
頭炮《蘋果》有禮慈善1元換領《麥兜．菠蘿油王子》電影門票正進行得如火如荼，今個周末緊接住嘅《蘋果》有禮慈善1元拍賣，相信亦勢必哄動。
《蘋果日報》為答謝讀者多年來支持，將於7月3日及4日（星期六、日）在九龍城廣場舉行慈善拍賣會，以1元底價推出多款名牌家庭電器、潮流精品、家具擺設、益智玩具等，所有收益扣除成本將全數撥捐蘋果基金。
當日嘅拍賣時間由中午12點至晚上7點，共分4個時段進行，由於拍賣品數量有限，為免向隅，記得嗰日早啲到場啦！
暖流熱線
電話：29908688
傳真：23702192
電郵：
網址：