公關手腕一向耍家嘅恒生銀行傳來喜訊，該行榮獲中國國際公共關係協會頒發的《第六屆中國最佳公共關係案例大賽》金獎，代表作是透過贊助警方撲滅青少年罪行比賽，提高青少年滅罪意識，並培育年輕人成為有責任感的公民。頒獎禮噚日喺北京舉行，由全國政協副主席徐匡廸任主禮嘉賓。
近年積極擴展內地市場嘅恒生，呢次認真威威，打低咗八十七個對手奪獎，唔怪得老總鄭海泉都話深感鼓舞。恒生公關活動確實充滿創意，單係促進傳媒關係嘅每年重頭戲─蛇宴及卡拉OK，就已經創咗同業先河，該行公關主管張樹槐確實功不可沒。
傳真︰2623-9278
電郵︰