前排中國前體操王子李寧將佢自己嘅同名公司來港搞上市，八方有幸同佢近距離接觸。今日八方又有機會一次過見晒三名國家體育名將，因為李寧公司明日喺香港聯交所掛牌，有關方面先行造勢，請咗奧運男子全能體操金牌得主、有「全能王」美譽嘅李小雙，同連續兩屆世界體操錦標賽單槓金牌李春陽，同過咗英格蘭搵食、加盟愛華頓嘅足球名將李鐵來港，舉行簽名義賣會，下晝四點會喺崇光百貨舉行，各位fans要早啲霸位。
八方收到料，李寧會喺明日同埋「三李」一齊去聯交所嘅上市儀式，今次「四李」同場，居然唔喺運動場上而喺香港交易所，唔到你唔認香港係國際金融中心啦。
（圖）李寧（左二）唔單止體操叻，就連生意頭腦都特別醒過人；旁為李小雙。 資料圖片
傳真︰2623-9278
電郵︰