夏日炎炎，有咩爽得過去沙灘暢泳一番。想帶埋部心愛DC影SnapShot，配個防水殼唔怕整濕部機之餘，興之所至重可以影埋水底世界。Nikon部走TrendyFeel嘅COOLPIX5200出咗冇幾耐，話咁快就宣布推出專用防水殼，型號為WP-CPS，估計賣價為21,000日圓（約港幣$1,533），有效防水深達40米，去到外地旅行，遇着海底靚景都可盡情咁影。值得一提係防水殼前設有一奶白色膠片，作用係柔化及擴散機內閃燈嘅光源，令到閃燈效果更為自然，唔會出現燈光「太硬」嘅情況，影出嚟嘅相自然靚過人。
記者：徐影龍
相關網址：