日本除炒賣波鞋有一手外，連做波鞋都咁耍家。先講神枱級Bape的FootSoldier經已係港人遊日必到之處，甚麼日本特別版Nike更係多不勝數。後起之秀更有Tas及MadFoot，前者更衝出日本，與美國潮舖Undefeated合作，後者MadFoot雖未與外國街牌合作，但經已成為日本數一數二的波鞋品牌，連香港的潮舖Exit都有得賣。點解MadFoot咁勁？筆者都想知！難得直擊日本MadFoot總壇，呢個問題由MadFoot「揸Fit人」金井解答。
記者：李崗華
攝影：林栢鈞
01年11月成立至今經已推出過300款波鞋，雖然未有開設專門店，但日本經已有超過100個售賣點，其中售賣的地方有江村芳文主理的RealmadHECTIC及日本波鞋潮舖Atmos。主理人為金井龍司及真柄尚武，兩人於成立MadFoot前經已於Atmos內打工，發現街上的波鞋品牌完全滿足唔到顧客，後來更自立品牌MadFoot，專做一些自己想擁有及外形奇怪的波鞋款式，MadFoot就此誕生。
老遠去到日本，冇理由淨係訪問金井同睇Office，小記當然會第一時間報道MadFoot最新一季嘅鞋款。唔使驚睇完冇得買，因為以下所介紹嘅款式將會於7至8月香港的Exit有售。𠵱家先睇鞋辦，到時再買！（以下波鞋尚未定價）
日本其中一間售賣MadFoot的地方Atmos，亦即是金井以往做嘢嘅地方。
（地址：4-32-8jingumaeshibuyakuTokyo/+81357721655）
香港售賣MadFoot的地方只有Exit一間。MadFoot有幾受歡迎？全場賣剩3個款，有買趁手。（各$1,250/a）
A：《蘋果》記者 K：金井
A：MadFoot個名由何而來？
K：其實只要睇個名就知，我哋做嘅波鞋與其他品牌唔同，比較瘋狂同埋創新。我同真柄（即另一MadFoot主理人）都一直設計緊自己鍾意及想着嘅波鞋。
A：於設計的初期有否困難？
K：雖然我未曾修讀有關設計的課程，但我自小經已喜歡畫畫，以及我由10歲開始經已喜歡波鞋，至今經已有20年，所以我想我對波鞋的認識比一般人多，會知道邊嗰款式好，所以於設計方面問題不大。但於製作時的過程，我亦要經過一段時間及請教其他人才慢慢熟習。
A：除MadFoot外，你還喜歡甚麼波鞋品牌？
K：最喜歡Nike的AirJordan系列，其次係adidas的Superstar、StanSmith等，一些較為經典的款式。
A：可否告訴我們，你擁有多少對波鞋？
K：應該超過200對，其中大部份都係AirJordan，其次係AirForceI、Dunk及一些新推出的Hi-Tech款式。
A：今季MadFoot的設計路線是怎樣的？你又覺得今季的波鞋潮流是怎樣？
K：其實我自己不太理會潮流是怎樣，MadFoot只係做一些我哋鍾意的款式。今季MadFoot會係以一些簡單的設計，如籃球鞋等。
A：近幾季MadFoot的鞋身上都新加入了一個箭嘴，這個Logo有特別意思嗎？
K：這個Logo是由我哋朋友Nesm（負責MadFoot的GraphicDesign）所設計，其實每個品牌都有自己的Logo，以表達品牌的態度。MadFoot這個Logo有向上升的意思，代表MadFoot愈來愈受歡迎。
A：MadFoot較少與其他品牌Crossover，但仍然大受歡迎，為甚麼？
K：MadFoot所做的都是我哋自己想做的，受歡迎只係大家認同，亦證明很多人對現今的波鞋品牌未能滿足。
除咗訪問，當然要介紹一下MadFoot嘅Office，如果唔係點算現場直擊！外表睇落甚Cool的金井更逐一為我們介紹，Nice到爆！
香港售賣點?查詢：
Exit（27221751）尖沙嘴漆咸道73-75號地庫
