古天樂、郭富城及應采兒昨日到黃埔，為宣傳電影與fans大玩遊戲，城城一度吩咐古仔頒獎給fans，古仔即面色一沉。有指警方有份吸毒藝人名單，其中包括一對姊弟藝人，問應采兒此事時，她緊張得語無倫次。
古天樂、郭富城及應采兒昨日於黃埔新天地出席「柔道龍虎榜英雄大會」，其間有fans上台玩遊戲，到頒獎時，城城吩咐古仔上前頒獎，古仔即面色一沉。問古仔是否介意時，他說：「我唔覺得有嘢喎，佢冇點我呀。」
近日有報道指警方手頭上有一份吸毒藝人的名單，包括一對姊弟，問應采兒是否認識當事人，她表現得大為緊張說：「我唔識呀，唔係唔係，係唔知呀，我只係聽過有人講過圈中人有食，有男有女囉，不過我自己就冇見過，而且我啲朋友大部份都係圈外人。」
應采兒續說：「我係喺紐約讀書時都有人叫過我試，當時學校吸毒風氣好流行，但係我就冇試。」應采兒接受訪問期間緊張得不時抹汗，更經常向助手求救。
而城城則指自己從來沒有接觸過毒品，他表示警方現時打擊吸毒是一件好事，他說：「警方𠵱家打擊、調查係好事，始終毒品係會影響青少年，而我身邊嘅朋友都好健康，佢哋只係會同我去跳舞做運動。」
至於古仔則指吳浩康涉藏毒事件正在處理中，不便發表任何意見，他說：「希望大家畀時間佢休息吓，唔好再畀咁多壓力佢啦。」
採訪：史丹
攝影：陳偉權
