財經事務及庫務局局長馬時亨噚日開完立法會，忙裏偷閒同記者喺中環飲咖啡，馬局長早兩日忽然見報，事關佢有股份間壽司店發生工業意外，兩個夥計通渠時吸入有毒氣體要入院，佢話初時好擔心夥計有事，問清楚負責人知道兩人無大礙至放下心頭大石，而佢前晚重同新加坡位大股東一齊巡舖，知道已經改善咗工作程序，相信日後唔會再出意外。
馬局長強調佢無沾手壽司店日常運作，但身為老闆之一，知道夥計有意外總係心掛掛。
（圖）馬時亨（右）同記者茶敍時巧遇東方明珠主席黃坤，「大廚坤」近年得意馬場，馬時亨祝佢拉多幾場頭馬。
傳真︰2623-9278
電郵︰