梁朝偉明天四十二歲生日，他昨日特地到上海與一班影迷慶祝，而其女友劉嘉玲也一直身在上海。
偉仔昨日一到上海即到瑞吉紅塔酒店與八十名影迷慶祝，有影迷送上以偉仔過去劇照拼成的大畫，又以他電影造型剪成短片，配上《Iwasborntoloveyou》一曲送給偉仔，令偉仔相當感動。
問到生日願望，偉仔說：「我以前會想身體健康，𠵱家想帶多啲歡樂畀人。我之前收到好多影迷生日卡，佢哋寫話以前都係我帶歡樂畀佢哋，以後就由佢哋帶歡樂畀我，我真係好感動。」
問到女友嘉玲如何與他慶祝，偉仔無厘頭地說：「好朋友成日都一齊食飯，已經好似日日都過生日咁，我同朋友食飯時都會話：『乜又見面，又慶祝呀？』」問到嘉玲送甚麼生日禮物，偉仔謂：「我又唔係鐵板神算，點知？」偉仔表示他下半年要為《英雄》及《2046》到世界各地宣傳。
記者馮美茵上海直擊