廖碧兒、胡杏兒和官恩娜等昨日在荃灣為一間壽司（Sushi）店剪綵，廖碧兒穿上lowcut打扮到場，大為搶鏡，她表示因早前為歌神許冠傑（Sam）演唱會伴舞，而被改了花名Susie，連男友劉愷威都這樣稱呼她。
廖碧兒、胡杏兒、官恩娜和樋口明日嘉昨日在荃灣出席元氣壽司分店開幕，四位靚女即席炮製壽司，有板有眼兼手勢利落，看來她們平時都有入廚。而以lowcut打扮到場的廖碧兒，更大為搶鏡。
廖碧兒近日接拍了不少廣告，豬籠入水，她說：「呢排我接咗好多廣告，有啲都冇期拍。阿Sam遲啲加場開演唱會，我會再做表演嘉賓。」廖碧兒曾在阿Sam演唱《尖沙嘴Susie》時伴舞，現在她更得了Susie這個花名，廖碧兒說：「劉愷威都叫我Susie，呢個名反應好好，我呢排接咗兩套電視劇，所以阿Sam套新戲未知拍唔拍得成。」
官恩娜昨日姍姍來遲，她甫到場即向大家致歉，而樋口就表示香港和日本的壽司都一樣美味，她近日參演亞視劇集《我和殭屍有個約會3之永恆角度》，又跟鄭中基合演新片，她說：「鄭中基真係好好笑。」樋口是豐胸產品代言人，有調查某些豐胸產品成份會令女性中風機會增加，樋口則堅持說：「我代言嗰隻產品好天然，冇問題，朋友都有試食。」
此外，對於英皇歌手吳浩康涉嫌藏毒一事，廖碧兒說：「我冇睇新聞，但吸毒就唔好，我平時會做瑜伽同玩kickboxing減壓。」而官恩娜則說：「我嘅減壓方法係打泰拳，之前學拳嘅老師重係吳浩康個師兄，我冇打電話畀佢，𠵱家都唔想打擾佢，希望佢會冇事。」
採訪：王崇穎 攝影：陳偉權
