去年新聞人物保安局前局長葉劉淑儀退出官場後歸於平淡，八方噚日喺中環見到葉太悠悠閒咁行街購物，雖然佢嘅髮型已由「掃把頭」改為清湯掛麵，不過風采依然，戴黑超都有一股不怒而威嘅氣勢。
葉太見八方影相，即刻話「我都冇撈啦，重影？冇人睇㗎嘞！」八方問佢7.1喺唔喺香港，葉太話係秘密唔講得，至於當日有乜節目呢？都係秘密。注意儀容嘅葉太購物其中一站係娛樂行屈臣氏，只見佢一入去即行埋Covermark個櫃位買咗幾盒化妝品，之後行過隔籬MaxFactor櫃位繼續幫襯，唔使十分鐘就掃咗一堆化妝品，然後拎張金卡出嚟埋單，非常疏爽。
（圖）戴黑超嘅葉劉現身中環屈臣氏掃化妝品，唔使十分鐘就買咗一大堆戰利品。
陳國良攝
傳真︰2623-9278
電郵︰