黃伊汶、李依琳、葉蘊儀、張學潤和湯寶如等，前晚往中環蘭桂坊出席CClub重開派對。
黃伊汶被周刊寫她在派對中發酒癲、生擒猛男，更指她是「枚后」，前晚她說：「除咗猜枚叻之外，其餘冇樣嘢係真嘅，佢哋話我生擒嘅猛男，係我唱片公司嘅同事嚟。」
黃伊汶續說：「我認我猜枚係叻，因為我細個已經同細佬喺屋企猜，以後惟有喺屋企猜啦，好彩公司信任我。」對於吳浩康涉藏毒被捕，黃伊汶說：「藝人要relax都應該用正面嘅方法，毒品最終會傷害自己。我以前喺外國讀書都見有好多人吸毒，但係我有自制能力，唔會受到引誘。」
葉蘊儀則指她現在香港、新加坡兩邊走，因為她任職的IT公司經常要她飛往新加坡，她說：「工作加埋湊仔已經夠忙，有人約我都冇時間應約，所以冇拖拍。」
採訪：RitaLeung
攝影：ChanChiLam
