幾熱都會去--鄭紫茵（小學生）
「上年我有去遊行，今年都會去。就算幾熱都唔會放棄，因為要爭取民主同自由。」
今年更重要--陳先生(保險業)
「人大釋法、電台主持人封咪，最近香港發生咁嘅事，我覺得今年7.1重要過上年，更加值得企出嚟。」
冇民主唔得--簡小姐(零售業)
「我嗰日要返工，但希望最少可以行一段路，民主雖然未必係最重要，但冇咗佢係唔得嘅。」
反浪費公帑--劉先生(中七生)
「政府做咗咁多浪費公帑嘅事，好似巨星匯同賤賣紅灣半島咁，我都考慮參加遊行表達不滿。」
普選好重要--袁小姐(大學生)
「上年我都有去遊行，我覺得普選對香港非常重要，所以我不時都會參加爭取普選嘅簽名運動。」
特首要普選--盧先生(電腦業)
「香港需要一人一票選特首，中央就算否決○七、○八年普選，最低限度都要畀個時間表。」
