吳浩康（Deep）前日涉嫌藏毒被捕震驚娛圈，同為英皇歌手的Twins及鄭希怡（Yumiko）則反應兩極，前者即時劃清界線，而曾與吳浩康傳緋聞的Yumiko則真情流露，大歎心痛。
昨日Twins在商台被問到知否吳浩康有服藥習慣時，鍾欣桐（阿嬌）即說：「我平日同佢唔熟，我都係近排先知佢細過我。」而蔡卓妍（阿Sa）則說：「我同佢傾偈都係講吓彈結他，傾音樂。」二人並異口同聲說：「我哋都冇佢電話，同一個salon見到面咪傾吓偈。」阿Sa又指年輕人應潔身自愛，身為藝人更要樹立榜樣。
而Yumiko昨日與李克勤及曾華倩在港台出席記者會時，木無表情的她說：「好突然，我噚日上去錄音室時見到阿Deep，佢早咗到，重喺度打鼓，佢同我講話落街買啲嘢，之後就見唔到佢啦！我打畀佢又冇人聽，打到留言信箱都爆晒。」
對於吳浩康涉嫌藏毒，Yumiko歎道：「好心痛！」問她會否擔心吳浩康遭英皇放棄？Yumiko苦惱得抓着頭髮說：「我真係唔知。」之後她即被助手拉離場。
採訪：李珮洳
攝影：林德雄