雖然加入樂壇多年的劉浩龍，近日才有機會推出首張個人大碟，但他坦言除感到高興外，背後還因壓力和過度興奮而失眠，所以師妹董敏莉就提議溜冰減壓，希望對師兄的失眠有幫助。
劉浩龍表示當知道自己終於有機會推出個人大碟時，初初難免有興奮的感覺，但隨後的日子便開始感到壓力，他說：「話晒都等咗咁多年，所以做碟時都盡力去做，可以話係問心無愧，不過到出碟前幾晚都瞓唔着，出完碟之後就開心到瞓唔到！」
身為師妹的董敏莉（Monie）得知師兄的苦況之後，便主動提出帶他出外大玩一餐，Monie最後選擇與師兄到溜冰場溜冰。據知Monie於十歲時曾經花了兩年時間學溜冰，所以當日她都表現得有板有眼，反而劉浩龍表現像極溜冰的門外漢。
當到達溜冰場時，為免不小心滑倒，劉浩龍要不時拖着Monie的手，不過Monie也有時玩得忘形丟下師兄不顧。其間有幾次劉浩龍因失去平衡而跌倒在地上，Monie見到不但沒有即時上前扶起他，反而笑他「大番薯」。
經過兩小時的瘋狂玩樂之後，二人都盡興離開，事後Monie都不忘繼續取笑劉浩龍，她說：「佢可能都一把年紀，所以身手當然冇我咁敏捷，不過整體表現都勉強ok啦。」
而劉浩龍就表示非常感激師妹Monie的關懷，劉浩龍說：「佢把口雖然笑我啫，但係我知佢今次帶埋我出嚟玩都係想我個人唔好咁緊張，其實溜冰溜咗個幾鐘都幾攰，希望今晚可以瞓得着啦！」
採訪：李珮洳
攝影：陳偉權
化妝：KylieChan
髮型：JimmyWhite,KarmanWong（Chin.G）
場地提供：又一城歡天雪地溜冰場
