亞洲出版業協會噚日舉行頒獎禮，各地報刊行家濟濟一堂，除咗《蘋果》，《金融時報》、《新聞周刊》、《時代》周刊、《明報》、《星島》同好多亞洲傳媒都係得獎者。香港《蘋果》大豐收，十八個項目中，一共捧走六項冠軍同一個優異獎，包括全場最大獎項之一嘅「最佳中文報章獎」。台灣《蘋果》雖然創刊冇耐，都喺新聞攝影項目攞到一冠一優異兩獎；港台合計，共奪九獎。
八方一口氣數出香港《蘋果》七個獎同得獎嘅相關報道：最佳中文報章獎、最佳新聞報道獎（梁錦松偷步買車報道）、最佳漫畫獎、優異漫畫獎、最佳專題獎（梅艷芳病逝──留下只有思念）、最佳人權報道獎（7.1大遊行─香港人萬歲）同最佳報章設計獎（宋美齡、梅艷芳去世、美軍攻伊）。
《蘋果》得到咁多肯定，相信對記者有好大鼓舞，大會稱讚梁錦松買車事件嘅報道有非常出色嘅新聞觸覺、發揮監察政府功能。
傳真︰2623-9278
電郵︰
