前綫聽日將會喺沙田美心筵開六十席，大鑼大鼓慶祝成立八周年，向政壇廣發邀請帖，無懼土共縱火淋屎恐嚇。
卿姐都算大量，就連唔肯見佢嘅老董、最近消失咗嘅中聯辦高祀仁、同埋堅持要用十萬蚊同佢搞辯論嘅梁振英都有邀請，但係到𠵱家只有馬時亨同埋林公公答應嚟，其他人睇嚟唔係好想同卿姐食飯，仍未回覆前綫。
八方記得，前綫舊年搞會慶聚餐，請得封咪名嘴黃毓民籌款。雖然今年就無請特別嘉賓籌款，亦無乜特別主題慶祝八周年，但肯定會呼籲參加者7.1上街，去爭取○七、○八年普選！
傳真︰2623-9278
電郵︰