家陣個社會充滿戾氣，搞到校園有唔少欺凌、暴力事件。不過，八方噚日去咗由中文大學醫學院舉辦嘅香港健康學校獎勵計劃頒獎禮，發現有唔少學校都出盡法寶，例如畀學生食素、食飯食紅米咁，令同學仔生活習慣健康啲，無咁暴戾。
三育中學係其中一間得獎嘅學校，校長劉順安同八方講，學校飯堂每日都會為學生提供營養豐富嘅紅米、糙米、素菜等食物。校長重話由於肉類含有尿酸，食素會改善同學仔嘅情緒問題，唔單止學生身體會健康啲，校內欺凌事件都少啲！
（圖）三育中學喺香港健康學校獎勵計劃得獎，校長劉順安（中）話提供素食令學生嘅身體同情緒一樣咁健康。
謝榮耀攝
傳真︰2623-9278
電郵︰